World title fight ni Tunacao nagpaabot

NAKABATON na sab og laing dakong oportunidad ang Sugbu­anong si Malcolm “Eagle Eye” Tu­ñacao nga makaabli pagbalik sa iyang pultahan paingon sa laing world title fight nga kahigayunan.

Ang lumad nga taga Mandaue City kinsa nagbasi na karon sa Japan nakatakdang makigharong kang Mexican Christian Esquivel karong Disyembre 22 sa Kobe Japan sa usa ka World Boxing Council (WBC) eliminator fight.

Ang modaog ning awaya mao ang mahimong mandatory chal­lenger kang WBC Bantamweight champion Japanses Shinsuke Ya­manaka.

Si Tuñacao maoy no.2 con­tender ning maong titulo sam­tang si Esquivel maoy no.4.

Ang no.1 ug no.3 contender mao unta ang unang gitanyagan ning maong kahigayunan apan pa­reho kining mibalibad.

“Tumawag kanina yung mana­ger ko, ok na daw. Mag-conference kami bukas,” asoy ni Tunacao sa interbyu sa www.philboxing.com.

Si Tuñacao nahisakop sa Shinsie Gym Promotion sa Kobe unya ang iyang manager ug trainer mao si Masato Yamashita.

Si Esquivel adunay rekord nga 25-3, 18KOs samtang si Tuñacao adunay 31-2-3, 19KOs nga baraha.

Nagpanikad na gyud si Tuñacao gumikan kay gusto gyud niyang mahimong world champion sa ika­du­hang higayon. Siya maoy kanhi WBC flyweight king.

“Excited ako, kasi it’s been 11 years na hindi nakalaban ng world title,” dugang ni Tuñacao.

“Eliminator itong paglalaba­banan namin, title fight na pagka­tapos.”

Matod ni Tuñacao nga maayo sab gyud nga boksidor si Esquivel apan alang kaniya, kaya kaayo niya kining lupigon.

“Gagawin ko lahat hangat saan ko makakaya para maipanalo ang laban na ito,” panaad ni Tuñacao.

Related Stories

No stories found.
SunStar Publishing Inc.
www.sunstar.com.ph