Yate nga padung sa Cebu nga missing wa pa makit-i

WA PA gihapon mapalgi sa Phil. Coast Guard ang yate nga missing nga gipaabot unta nga modunggo sa Sugbo niadtong Enero 16 gikan sa Guam.

Sa pagkutlo ning balita ala 6 kagabii, namahayag si Capt. Anelito Gabisan, deputy commander ug tigpamaba sa Coast Guard District Central Eastern Visayas nga wala pa sila’y nadawat nga sighting sa maong sailboat.

Si Commodore Cecil R. Chen, commander sa Coast Guard District Central Eastern Visayas nipadala na sa BRP San Juan aron motabang pagpangita sa maong sakyanan sa kadagatan sa kalawran sa Eastern Visayas nga mao untay agi-an niini paingon sa Sugbo.

Samtang ang ulohang buhatan sa PCG nagpada na usab og Islander plane aron motabang sa gilusad nga “search and rescue mission”.

Gipa-alerto na usab ni Chen ang tanang station ug detachment sa Coast Guard sa kasikbit nga mga dapit sa Cebu sa rehiyon syete ug otso aron pangitaon ang na-missing nga yati.

Apil ang mga kompaniya sa barko ug mga panagatan ang gi-awhag sa CG nga motaho dayon sa ilang buhatan kun dunay makit-ang “sighting” sa maong yati.

Ang yate nga The Pineapple nga 38-footer twin hulled catamaran nibiya sa Guam niadtong Enero 6 ug gipaabot unta nga moabot sa Cebu niadtong Enero 16.

Apan hangtud karon wa kini maabot sa iyang gitakdang destinasyon ug petsa hinungdan nga nabalaka kaayo ang kabanay sa mga sakay niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph