Gisugdan niadtong miaging buwan ang World EXPO 2025 ug gikatakda nga motapos sa Oktubre ning tuiga nga gipahigayon sa Osaka, Japan.
Ang Expo 2025 gipahigayon sa katuyoan nga makab-ot ug ang katumanan sa Sustainable Development Goals (SDGs) sa United Nations.
Apil sab ang Pilipinas sa maong exhibits diin makita pinaagi sa mga pelikula.
Samtang usa sa atraksiyon maong exhibit mao ang pelikula sa Ibaraki City sa Osaka Prefecture, ginama ni Ken Iwamoto nga naila nga iwapt nga usa ka songwriter, film maker.
Ang maong pelikula makita sab sa YouTube channel sa Ibaraki City pinaagi niini nga link: https://youtu.be/0l5bwCmkZM0?si=7riMBj_QWaqBjg0B
Gipili ang pelikula sa iwapt human kini modaug og Excellence Award sa Ibaraki City Movie Contest nga gipahigayon niadtong Oktubre 6, 2024.
Tungod niini, nakuha sab niya ang atensyon sa lokal nga media sa Pilipinas ug gipasalida ang bahin sa iyang pelikula sa GMA Regional TV Live. / FVQ