2 naangol sa pagkahugno sa LED panel wall sa CCSC

TUNGOD SA HANGIN: Kini ang bahin sa LED wall sa entablado sa Cebu City Sports Center alang sa Sinulog sa Dakbayan ug Lalawigan karong Sabado, Enero 13, ug Dominggo, Enero 14, nga nahugno tungod sa giingong paghuros sa kusog nga hangin sa Huwebes, Enero 11, 2024.
TUNGOD SA HANGIN: Kini ang bahin sa LED wall sa entablado sa Cebu City Sports Center alang sa Sinulog sa Dakbayan ug Lalawigan karong Sabado, Enero 13, ug Dominggo, Enero 14, nga nahugno tungod sa giingong paghuros sa kusog nga hangin sa Huwebes, Enero 11, 2024. Hulagway kuha sa K-net TV

Duha ka mga estudyante nga propsmen ug dancer nangaangol human naigo sa LED panel wall nga nahugno sa entablado sa Cebu City Sport Complex (CCSC) sa Huwebes sa buntag, Enero 11, 2024.

Ang naangol gikan sa contingent sa Barangay Banilad nga nag-ensayo sa ilang sa ilang umaabot nga pasundayag sa Sinulog sa Dakbayan sa Sabado, Enero 13, Enero 14.

Tungod sa kusog nga hangin, usa ka bahin sa gitaud nga LED panel nga gitaud sa scaffolding sa likod nga bahin sa entablado ibabaw sa riser aksidente’ng nahulog sa salog sa entablado nga adunay dancing contingents.

Ang mga nangaangol nga dancers dali nga gidala sa labing duol nga mga tambalanan ug gikataho nga anaa na sa luwas nga kahimtang.

Ang executive director sa Sinulog Foundation Inc.(SFI) nga si Elmer ‘Jojo’ Labella sa tawag sa telepono sa SunStar Cebu sa Huwebes, nagdumili sa pagkomento bahin sa insidente tungod kay gipaubos pa kini sa imbestigasyon.

Sa buwag nga pakighinabi, si Bise Mayor Alvin Raymond Garcia sa dakbayan sa Sugbo niingon nga seguraduhon sa Cebu City Government nga dili na mahitabo ang susama’ng aksidente.

Si Garcia nagsilbi nga laison officer sa 2024 Sinulog sa Lalawigan isip coordinator sa Cebu Provincial Government nga nibubo og suporta sa tinuig nga kompetisyon sa kabatan-unan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph