Admin officer sa Barangay Mambaling gipusil-patay sa Duljo

Admin officer sa Barangay Mambaling gipusil-patay sa Duljo

Patay ang usa ka 44-anyos nga lalaki nga administrative officer III sa Barangay Mambaling sa dakbayan sa Sugbo human gipusil sa wala pa mailhing mamumuno pasado alas 12:00 sa Lunes sa udto, Hunyo 17, 2024 sa Sitio Micabaja, Barangay Duljo Fatima sa dakbayan sa Sugbo.

Ang biktima giila sa mga residente sa dapit nga si Edward Abayon, 44-anyos nga taga Sitio Puntod, Alaska, Barangay Mambaling nga kabanay ra usab sa kapitan sa maong barangay.

Matod ni Police Major Efren Diaz Jr., ang bag-ong hepe sa Mambaling Police Station, nga samtang nag kaon ang biktima sa usa ka karenderia sa lugar, kalit lang kini nga gipusil sa iyang luyong bahin.

Naigo ang biktima sa iyang ulo nga miresulta sa iyang kamatayon. Samtang ang suspetsado yano lang kini nga nag baktas palayo sa maong lugar.

Gihulagway sa mga saksi nga ang suspetsado nag suot kini og longsleeve, nag kawo ug naka facemask.

Wala pa usab matino kon unsa nga matang sa kalibre sa armas ang gigamit sa maong pagpamusil.

Tungod niini, milusad dayon og imbestigasyon ang kapulisan pinaagi sa pag susi sa mga kuha sa CCTV camera sa dapit.

Matod sa usa sa mga imbestigador nga ang pamilya adunay gustong ibutyag apan gipili niini nga mo bisita lang sa buhatan ni Diaz aron walay daghang maka dungog.

Sa pag kutlo ning balita, nagpaabot pa si Diaz sa kabanay ni Abayon aron makakuha sila og lead sa imbestigasyon.

“Ganina may guston sabihin yung pamilya ng biktima pero nag ingon nalang sila nga moadto nalang sa opisina natin unya pagkahuman sa SOCO so gahulat-hulat ko nila ron sa opisina kay naa daw sila’y isulti basin makatabang ni sa imbestigasyon nato”, matod ni Police Major Efren Diaz Jr.

Tanang Angulo ang gipang subay nila karon diin usa na niini ang personal nga atraso kon duna ba kini kontra sa lugar o duna ba kini hulga nga nadawat sa wala pa mahitabo ang maong pagpamusil. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph