Bini Aiah mi-guest sa ‘Kuanon-one’

BINI Aiah, Melai Cantiveros
BINI Aiah, Melai CantiverosInstagram

Napuno sa buhakhak ang episode sa Bisaya talk show ‘Kuan-On-One’ hosted by Melai Cantiveros sa dihang si BINI member Aiah Arceta maoy iyang ka one-on-one sa iyang second episode.

Si BINI Aiah lumad nga taga-Barangay Mactan, LapuLapu City ug siya ang lead rapper sa maong P-pop girl group.

Taho sa ABS-CBN News nga si BINI Aiah nadiskubrehan human siya ni-audition sa serye nga ‘Darna.’

Una siya nga ni-audition sa ‘Pinoy Big Brother’ (PBB) sa dihang nag-scout og talent sa Cebu ug gisundan sa ‘Darna.’

Saysay sa lead rapper nga gikuyogan pa siya sa iyang ginikanan nga mi-audition sa PBB.

“Sige kog tan-aw og PBB sa una, six years old pa siguro ko ato,” saysay ni Aiah.

“Unya sa imong pag-audition nadawat ka ato?” pangutana ni Melai.

“Wala. Actually kato nga rejection naka-feel ko... sakita uy. Full force kaayo akong family ato,” tubag sab ni Aiah.

Pinaagi sa iyang damgo diin iyang nakita ang logo sa Star Hunt, mihatag kini niya og kadasig nga mobiyahe sa Manila alang sa laing audition human nangita og talent sa ‘Darna.’

“Gihatagan kog script nga Tagalog... hala tongue twister ko ato. Unsa man ni?” dason sa singer hinungdan nga wa na sab siya nadawat.

Apan paglabay sa pila ka buwan, gitawgan siya sa taga-Star Hunt nga nag-invite kaniya nga mobalik sa Manila human nga napansin siya atol sa iyang audition sa Darna.

The rest is history sa dihang nahimong usa sa mga miyembro sa sikat nga nation’s girl group, ang BINI. (FVQ)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph