Japanese music video, nakig-collab sa Pinoy artists, midaog na sab

Ang siyudad sa Hadano, Kanagawa Prefecture, Japan mipahigayon sa ilang 2nd Hadastragram movie contest niadtong Nobiyembre 6, 2023.

Moabot ngadto sa 195 ka entry nga gisalmot diin ang ‘Bathroom Orchestra Instrumental’ music video sa Japanese musician - film maker Ken Iwamoto, a.k.a. iwapt, gideklarar nga grand prix champion.

Ang maong music video adunay collaboration sa Filipino musician nga naglakip nilang Yeng Constantino ug Nino Regalado, drummer sa OPM band nga Neocolours.

Ang maong awit nga gi-compose ni iwapt gi-record sa Manila niadtong 2010..

Ang iyang music video nag-promote sa Hadano City nga nagpakita sa inila nga underground spring water sa maong dapit, gi-showcase sab ang ilang nature-rich parks ug observatories, sikat nila nga delicacies ug ang dapit sa Hadano diin gipahigayon ang 2020 Tokyo Olympics. (PR)