P13.6M nasakmit sa live-in partner

P13.6M nasakmit sa live-in partner
Tampo nga hulagway

Live-in partners nga nalambigit sa pagpamaligya sa ilegal nga drugas ang nasikop sa managlahi nga buy bust operation sa Philippine Drug Enforcement Agency (PDEA) 7 uban sa Naval Forces Central, Police Drug Enforcement Group-Special Operations Unit, ug Mandaue City Police Office.

Alas 2:45 sa Domingo sa hapon, Mayo 19, 2024 unang operation sa PDEA 7 nahitabo sa Aboitiz Road, North Reclamation Area, Barangay Subangdako dakbayan sa Mandaue nga mi resulta sa pagka sikop ni Fatima Veraces, 28, taga Mambaling sa dakbayan sa Sugbo.

Nakuha gikan kaniya ang 1,500 grams nga gituohang shabu nga dunay estimated average market value nga P10,200,000 lakip na ang buy bust money, cellphone ug laing mga ebidensya.

Pagka alas 4:33 sa hapon sa susamang petsa milusad sila og follow up operation uban sa kapulisan sa Lapu-Lapu didto sa Sitio Soong 2, Barangay Mactan nga mi sangpot sa pagka sikop sa live-in partner ni Veraces nga si William Lopez Jr., 32.

Nakuha sa mga operatiba ang 6 ka packs sa shabu nga motimbang sa 500 gramos nga mo balor sa P3,400,000.00 lakip na ang buy bust money, gray nga multicab ug uban pa nga mga ebidensya.

Kasamtangan nga gi turnover ang mga ebidensya sa buhatan sa PDEA alang sa chemical analysis.

Giandam na ang kasong kalapasan sa Section 5 ug 11, Article II RA 9165. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph