10-anyos gihulog sa pangpang

10-anyos gihulog sa pangpang
Sambunotan Youth Organization

PADAYON pa ang gihimong imbestigasyon sa Marilog Police Station human nga nasamdan ang 10-anyos nga batang lalaki dihang giingong gihulog sa duha niya ka mga kauban nga menor de edad.

Ang insidente nahitabo sa pangpang sa Sitio Sabunotan, Barangay Malamba, Marilog District, Davao City niadtong Dominggo, Enero 7, 2024.

Sa Facebook page sa Sambunotan Youth Organization, ilang gipahayag nga nakita sa ilang kauban ang bata nga naghilak nga dunay mga samad sa kilay ug paa.

Dali dayon nila kining gihatagan og first aid ug daling gidala sa Marilog District Hospital.

Anaa na sa luwas nga kahimtang ang nahisgutang biktima kinsa sa hulagway sa Sambunotan Youth Organization nakalingkod na kini sa wheelchair.

Gisaysay sa bata nga dili kini ang unang higayon nga gipasakitan siya sa duha ka menor, diin nahitabo sab nga gilumsan siya sa sapa.

Ang ginikanan sa biktima midangop na sa barangay ug nangayo na og pakitabang sa Marilog police.

Nag-imbestiga na ang Marilog Police labot sa insidente.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph