SI Presidential Assistant for Eastern Mindanao Leo Tereso Magno nakigkoordinar sa 10th Infantry Division (ID) sa Philippine Army aron tabangan ang mga panginahanglanon sa ilang mga tropa.
Niadtong Enero 11, si Brig. Gen. Allan Hambala nakigtagbo kang Magno aron hisgutan ang tabang nga mahatag sa OPAMINE ngadto sa 10th ID.
Gihatagan og gibug-aton ni Hambala nga ang ground troops nanginahanglan og suporta alang sa ilang mga pagbansay ug mga suplay aron madugangan pa ang ilang moral samtang naa sa maong natad.
Giila ni Magno ang importansya nga gidala sa ground troops sa kalinaw ug kahusay sa tibuok lugar nga sakop sa 10th ID.
Matod niya nga dako ang papel sa 10th ID sa pagmintinar sa insurgency-free Davao Region.
Gihisgutan usab sa duha ang mga estratehikong plano sa 10th ID aron masiguro nga ang Davao Region magpabiling insurgency-free sa mosunod nga mga tuig.
Si Magno mao ang Cabinet Officer sa MalacaƱang alang sa Regional Developments and Security para sa Southern Mindanao.