2 babaye nanumod og P1M shabu, napuhag

2 babaye nanumod og P1M shabu, napuhag
(File Photo)

COTABATO CITY -- Pasakaan og kaso nga kalapasan sa Republic Act 9165 o Comprehensive Dangerous Drug Act of 2002 ang duha ka babaye nga nadakpan sa buy-bust sa kapulisan alas 4 sa hapon, Martes, Disyembre 26, 2023 sa probinsiya sa Maguindanao del Norte.

Naila ang mga suspek nga sila alyas Nesrin, 26, nagpuyo sa Barangay Dalican, Datu Odin Sinsuat, Maguindanao del Norte ug si alyas Bai Almira, 30, molupyo sa Barangay Mapayag, Datu Anggal Midtimbang, Maguindanao del Sur.

Gibutyag ni Datu Odin Sinsuat Chief of Police, Lieutenant Colonel Esmael Madin, nga nagpahigayon sila og buy-bust sa Barangay Poblacion sa Datu Odin Sinsuat, uban ang nagkadaiyang law enforment units sa Philippine National Police (PNP) ug militar.

Sa dihang gitunol na ang shabu sa mga suspek sa mga pulis nga wala mag-uniporme, dali silang gipangdakop.

Narekober sa mga awtoridad gikan sa mga dinakpan ang tulo ka dagkong pakite sa shabu nga mokantidad og P1,020,000 ug 1,000 buy-bust money.

Gibutyag ni Madin nga dugay na nilang gipanid-an ang mga suspek nga gikonsidera nila nga high value target.

Balhog na ang mga suspek sa prisohan sa DOS Municipal Police Station ug giplastar na ang pagpasaka sa tukmang kaso.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph