2 gipamatay sa Gensan

Kapulisan sa Heneral Santos blangko pa sa matudlong mga suspek
2 gipamatay sa Gensan
Hulagway iya sa RMN Gensan pinaagi ni Edgar E. Fuerzas.

GENERAL SANTOS CITY — Blangko pa ang mga awtoridad sa motibo sa pagpamusil-patay sa duha ka tawo alas 6:30 sa buntag, Biyernes, Disyembre 8, 2023 sa siyudad.

Wala pa mailhan ang bansagon sa mga biktima nga naka-angkon og mga samad pinusilan.

Sa taho sa General Santos City PNP nga nakadungog og mga buto sa armas ang mga molupyo sa Sitio Arisala, Purok 9, Paradise Barangay Mabuhay sa dakbayan.

Sa diha nga gisusi sa mga sibilyan ilang nakita ang duha ka tawo nga wala nay kinabuhi, ang usa anaa sa iyang gisakyang motor ug ang usa nagbuy-od sa kalsada.

Sakay sa motorsiklo ang mga biktima sa diha nga sila gipamusil sa wala mailhing mga suspetsado gamit ang kalibre .45 nga pistola.

Naka-angkon og daghanang samad pinusilan ang mga biktima nga maoy hinungdan sa ilang kamatayon.

Giingon sa mga testigo nga duha ka motorsiklo ang gisakyan sa mga namusil nga misibat paingon sa diversion road sa siyudad.

Sa kasamtangan ang kapulisan sa Gensan ang padayon nga nag-imbestiga kalabutan sa maong hitabo. 

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph