2 gipatay nakit-an kay tiil nigimaw

2 gipatay nakit-an kay tiil nigimaw
(Contributed Photo)

NAALAAN nga mga asset sa militar ang gilantaw nga motibo sa awtoridad sa pagpatay sa duha ka lalaki kinsa namaligya og dugos alas 4 sa hapon, Dominggo, Nobyembre 5, 2023, sa Picong, probinsiya sa Lanao del Sur.

Apan ang mga biktima nga sila si Rolando Nobleza ug Rojie Badayos, pulos molupyo sa Barangay Poblacion 2, Pigcawayan, Cotabato Province.

Sumala kang Police Regional Office-Bangsamoro Autonomous Region (PRO-Bangsamoro) Regional Director Brigadier General Allan Nobleza nga nanuroy ug namaligya og dugos sa Picong sakay sa ilang motorsiklo.

Apan giatngan sila sa wala mailhing mga armadong lalaki ug gipaarakan gamit ang M16 Armalite rifles. Patay on the spot ang magsilingang biktima human natusak-tusak sa bala ang ilang mga lawas.

Una miikyas ang mga armadong lalaki, ilang gilubong ang mga biktima duol sa sapa.

Apan tungod kay mabaw lang nga pagkalubong, nakaplagan sa mga molupyo duol sa dapit ang patay nga lawas sa mga biktima sa dihang migimaw ang ilang mga tiil.

Milig-on ang pagtuo sa mga awtoridad nga naalaan lamang sa mga rebelde nga assets sa militar ang mga biktima gumikan wala hilabti sa mga armado ang ilang motor ug kuwarta nga kita sa pagpamaligya og dugos.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph