3 MILF patay sa engkwentro

3 MILF patay sa engkwentro
Hulagway iya sa BARMM Defender pinaagi ni Edgar E. Fuerzas.

COTABATO CITY — Miabag ang mga miyembro sa Moro Islamic Liberation Front (MILF) sa militar sa paglutos sa mga terorista alas 4 sa hapon, Sabado, Disyembre 9, 2023 didto sa probinsiya sa Maguindanao del Sur.

Matud ni Pagalungan Maguindanao del Sur Vice-Mayor Abdilah Mamasabulod nga na-engkwentro sa MILF ang mga sakop sa Dawlah Islamiyah Hasan Group (DIHG) sa Sitio Talingge, Barangay Dalgan Pagalungan, Maguindanao del Sur.

Milungtad og usa ka oras ang sinukliay og mga bala tali sa duha ka pundok ug miatras ang mga terorista sa diha nga sila gibombahan sa mga sundalo.

Tulo ka sakop sa MILF ang napatay ug lima ang naangol samtang dili matino sa handy sa DIHG.

Kahinumdoman nga milusad og air-to-ground assault ang Joint Task Force Central batok sa Hasan ISIS Group diin siyam ang napatay sa mga rebelde ug napulo ang naangol.

Ang MILF miabag sa military offensive operation isip kabahin sa nasabutan sa final peace agreement.

Sa kasamtangan gipalig-on pa sa Joint Task Force Central nga gipangulohan ni 6th ID Chief Major General Alex Rillera ang paglutos sa mga terorista.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph