3 pulis sa Gensan gitaktak

ANG Police Station 2 sa General Santos City.
ANG Police Station 2 sa General Santos City.GSCPO

GENERAL SANTOS CITY — Gipang-relib sa puwesto sa ilang trabaho ang tulo ka pulis sa siyudad nga nalambigit sa kaso nga pagpatay.

Ang tulo ka mga pulis nadestino sa Police Station 2 diin gibutyag ni General Santos City Police Office (GSCPO) Chief Colonel Nicomedes Olaivar nga ang tulo ka pulis gireklamo sa pamilya sa mga biktima sa kaso nga pagpatay.

Kahinumdoman nga napusilan ang suspek nga si Fernando Delas Marias, 50-anyos human kining nangilog og pusil sa mga pulis sa diversion Road Barangay Sinawal nga miresulta sa iyang kamatayon.

Ang napatay ang usa sa tulo ka mga suspek sa pagpatay kang Justine Paul Besana nga gikaingong pag-umangkon sa usa sa tulo ka pulis nga gipang-relieve.

Gikanayon nga nadakpan na sa mga pulis ang suspek apan mihangyo kini nga mangihi og kalit kining nangilog og pusil.

Dili sab mutuo ang pamilya ni Marias nga misukol kini sa mga pulis ug nangilog og pusil.

Giklaro ni Colonel Olaivar nga ang pag-relieve sa iyang tulo ka sakop, tumong niini nga tagaan og dalan ang imbestigasyon sa maong hitabo. 

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph