38-anyos lalaki gibulit og dunggab, patay

38-anyos lalaki gibulit og dunggab, patay

PADAYONG gitugkad karon sa kapulisan ang rason sa pagdunggab-patay sa usa ka ulitawo nga nakitang wa nay kinabuhi duol sa pampang sa Purok 3, Durian, Barangay San Miguel, Tagum City ala 1:30 p.m., Dominggo, Marso 24, 2024.

Ang biktima mao si Bryan Ansale Marikit, 38 anyos, ulitawo, jobless ug molupyo sa Purok San Isidro, Barangay Pagsabangan, Tagum City.

Saysay sa higala niyang si Louid Acaso Jugar, 52 anyos, nga 11:30 sa buntag sa maong adlaw ang biktima matud pa mikontak kaniya ug misulti nga mohapit kini kaniya, apan milabay na lang ang pila ka oras wa kini miabot.

Gikontak niya ang biktima sa cellphone niini apan di na makontak mao nga gisubay na niya og asa kini mipadung.

Dugang pa nga dihang naabot siya sa crime scene nakita na niya ang higala nga nagbuy-od sa yuta ug nagkadugo.

Sa gihimong pagsusi sa Davao Norte Provincial Forensic Unit (DNPFU) ang biktima nakahiagom og daghang samad dinunggaban sa lawas.

Patay’ng lawas sa biktima gipahiluna sa usa ka punuerarya sa dapit samtang nagpadayon ang imbestigasyon sa kaso. (DTV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph