DIGOS CITY, Davao del Sur -- Sud sa prisohan ang lima ka mga indibidwal human nga nasikop atol sa drug buy-bust operation nga gihimo sa mga sakop sa Digos City Police Station sa pagpanguna ni Police Captain Diosdado Niones II ubos sa supervision ni Police Lieutenant Colonel Florante Retes Jr., ala 1:11 Biyernes sa hapon, Enero 19, 2024, sa Purok Panther, Lapu-Lapu Ext., Barangay Zone 3, Digos City.
Giila ni Captain Niones ang target sa buy-bust nga si alyas Kambal, 47-anyos, ug ang iyang mga kauban nga sila alyas Rey, 47-anyos, alyas Jay Mart, 32-anyos, alyas Mark, 28-anyos ug si alyas Ken, 36-anyos.
Mga suspek napalitan og usa ka pakite sa gituohang shabu ug nakuhaan sa laing 13 pa ka mga pakite sa ilang posisyon ingon man mga drug paraphernalia.
Anaa sa 1.22 gramos ang gidaghanon sa shabu nga nakumpiska gikan sa mga suspek diin mokantidad og P8,228.
Sumala sa Digos Police nga dugay na nilang gipanid-an ang lihok sa mga suspetsado.
Mga nahisgutan pasakaan og kasong paglapas sa RA 9165 Comprehensive Dangerous Drugs Act of 2002. (Jeepy P. Compio)