KIDAPAWAN CITY - Todas ang siyam ka terorista ug napulo ang naangol atol sa air-to-ground assault sa Joint Task Force Central nga nagsugod alas 4 sa kaadlawon, Disyembre 7, 2023 didto sa Liguasan Delta.
Kini mismo ang gikomperma ni 602nd Brigade Civil Military Operation (CMO) Officer Captain Dexter Ruma.
Target sa military operation ang gitagoan o kampo sa Dawlah Islamiyah Hassan Group sa Sitio Barrio Wata, Barangay Dalgan Pagalungan Maguindanao del Sur.
Gatusan ka pamilya ang nanghikling sa kahadlok nga maipit sa kagubot.
Gamit sa militar sa air-to-ground assault ang mga modern nga klase sa Howitzers Cannon ug Fighter Jet sa Philippine Air Force (PAF).
Miatras ang grupo ni Kumander Hassan paingon sa mga gagmay nga isla sa Liguasan Delta.
Sa kasamtangan nagpadayon ang paglutos sa Joint Task Force Central nga gipangulohan ni 6th ID Chief Major General Alex Rillera batok sa mga terorista.