GIPOSASAN ang usa ka army reservist nga giilang top 10 sa drug watchlist sa Davao City atol sa buy-bust sa mga sakop sa Bajada Police Station alas 5:20 sa hapon, adlaw’ng Lunes, Nobyembre 20, 2023 sa First Opal Street, Barangay Paciano Bangoy, Agdao District, Davao City.
Giila sa Bajada Police Station ang suspek nga si alyas Ryan, 40-anyos, taga Barangay Sto. Niño, Tugbok District.
Apil sab nga gidakop ang iyang kauban nga si Alberto (bansagon gitago), 30-anyos, laborer nga taga Malita, Davao Occidental.
Ang duha napalitan sa poseur buyer sa mga pinaugang dahon sa marijuana nga may gidaghanong 110 gramos nga kantidad og P4,500.
Kasong pagsupak sa Republic Act 9165 kun Comprehensive Dangerous Drug Act of 2002 ang atubangong kaso sa mga suspek.
