Bomba mibusikad pagpanghadlok — PNP

Bomba mibusikad pagpanghadlok — PNP
Hulagway gikan sa Datu Udin Sinsuat Municipal Police Station.

COTABATO CITY - Pagpanghadlok ang gilantaw sa mga awtoridad nga motibo sa pagpamomba alas 7:40 sa gabii, Dominggo, Disyembre 3, 2023 didto sa probinsiya sa Maguindanao.

Matud ni Datu Odin Sinsuat Chief of Police Lieutenant Colonel Esmael Madin nga gitay-og sa masipa nga buto ang Brgy. Bitu sa Datu Odin Sinsuat kilid sa kalsada duol sa evacuation center.

Abtik nga nagresponde ang kapulisan, militar ug mga sakop sa Explosive Ordnance Disposal Team (EODT).

Walay naangol sa pagbuto sa bomba apan sobrang kahadlok ang gibati sa mga sibilyan.

Natumbok sa mga awtoridad nga 40 mm high explosive ang mibuto nga gihimong IED.

Daghan ang nagtuo nga posibleng pagpanghuraw o pagpanghadlok ang motibo sa pagbusikad sa 40mm gumikan didto gibutang ang IED layo sa mga sibilyan.

Sa kasamtangan ang kapulisan sa Datu Odin Sinsuat Maguindanao del Norte ang padayon nga nag-imbestiga kalabutan sa maong hitabo. 

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph