Brutal pagpatay sa iro gikondena

Pinaambit ni Allan Mayo
Pinaambit ni Allan Mayo

GIPASALIG ni Koronadal City Veterinarian Dr. Charlemagne Calo nga dili na mahitabo ang linuog nga pagpatay sa iro sa dakbayan.

Gitataw ni Calo nga makapasubo ug makapa-alarma ang maong hitabo ug nanghinaut siya nga dili na kini masubli pa.

Dugang pa niini, nga ang pagpasakit sa mga hayop usa ka paglapas sa Rabies Act ug Animal Welfare Act.

Busa gitambagan niini ang mga tag-iya sa iro nga gipatay nga ipadayon ang kaso batok sa suspek nga nabilanggo na sa Koronadal City Police Station.

Gitin-aw ni Calo, base sa balaod, nga kadtong mapamatud-an nga sad-an sa pagmaltrato sa mga mananap mahimong makamulta og hangtud sa P240,000 ug pagkabilanggo og 6 ka bulan ngadto sa 1 ka tuig.

Kahinumdoman nga usa ka iro nga pit bull ang gibunal-bunalan ug giputlan og ulo sa siyudad.

Ang City Vet ug mga dog lovers sa Central Mindanao hugot nga nagkondena sa hitabo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph