Busay giyab-an og hilo

Busay giyab-an og hilo
Hulagway gikan kang Kapitan Bobong Aguda

TACURONG CITY -- Gisusi na sa mga awtoridad ang pagbubo og hilo sa tinubdan sa tubig sa mga molupyo sa usa ka barangay alas 7:00 sa gabii, Lunes, Enero 8, 2024, sa Lebak, probinsiya sa Sultan Kudarat.

Matud ni Barangay Basak Kapitan Bobong Aguda nga siya nakadawat og taho gikan sa mga miyembro sa Barangay Peacekeeping Action Team (BPAT) nga gibuboan og hilo ang main water source nga busay sa Purok Sidlacan, Sitio Upper Sucong, Barangay Basak, Lebak, Sultan Kudarat Province.

Abtik nga nagresponde si Kapitan Aguda ug iyang nakompirma nga gibuboan gyud diay og hilo ang tinubdan sa tubig pinaagi sa sab sa kolor niini nga puti, itandi sa tin-aw niini nga tubig.

Una nang nadiskubre ang pagpanghilo atol nga dunay molupyo ang nagkabo og tubig ilimnon sa maong dapit.

Kalabot niini, nabalaka pag-ayo ang kapitan ug nanawagan sa iyang mga konstituwente nga magmabinantayon.

Hinuon, mapasalamaton gihapon ang kapitan kay nadiskubrehan dayon kini ug napugngan nga mahilo ang mga molupyo sa maong dapit.

Sa pagkakaron, padayon pa ang imbestigasyon sa kapulisan sa pag-ila sa mga sad-an ug patubagon sa ilang gihimo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph