MALINAWON sa kinatibuk-an ang Davao City sa pagsugat sa Bag-ong Tuig, diin suma sa Davao City Police Office, bunga kini sa pagtuman sa mga Dabawenyo sa mga polisiya sa siyudad.
Sumala ni DCPO spokesperson Police Captain Hazel Tuazon, nga misunod gayod ang mga Dabawenyo sa mga polisiya nga gipatuman sa kapulisan, butang nga ang tagline nga “Ang DabawenyoDCplinado” napamatud-an gayod.
“DCplinado, gyod ang mga taga Davao, kabalo naman ta sa mga policies gyud sa pagpatuman sa atong peace and order, mao ning peaceful kaayo ta sa Davao City,” ni Tuazon.
Dugang sa opisyal nga dunay mga ginagmay nga panghitabo, apan mga isolated cases lamang kini.
Sa firecracker ordinance ning siyudad walay natala ang DCPO nga malapason niini.
“Sa atong firecracker ordinance sa Davao wala tay na-record nga mga masinupakon,” ingon ni Tuazon.