DCPO: Way nabuthan atol sa Pasko

DCPO: Way nabuthan atol sa Pasko
(Hulagway iya sa DCPO)

GIBANDILYO sa Davao City Police Office (DCPO) nga dakbayan wa gyuy natala nga "firecracker related-incidents" ug wala sa'y mga indibiduwal nga nadakpan sa paglapas sa balaod atol sa pagsaulog sa Pasko.

Apan dunay 13 ka mga lantaka ang nasakmit gikan sa nagkadaiyang mga istasyon sa pulis sa dakbayan.

Gipahibawo ni DCPO spokesperson Captain Hazel Tuazon kagahapon, Martes sa buntag, Disyembre 26, 2023, nga dunay tulo ka firecrackers nasakmit gikan sa Mandug area, pito sa Bunawan, ug tulo sa Ecoland.

Gitumbok sa opisyal ang istriktong implementasyon sa City Ordinance 060-02 o labing nailhan nga firecracker ban.

Ang maong balaod nagdili sa paghupot, gamit, baligya, paggama ug pag-apud-apod og pyrotechnic devices sulod sa dakbayan kon diin ang unang makalapas magmulta og P1,000 o 20 hangtud 30 ka adlaw nga pagkapriso o puwede duha; ikaduhang kalapasan magmulta og P3,000 o usa hangtud tulo ka bulang pagkapriso o puwede duha; ug ikatulo ka higayon nga makalapas magmulta og P5,000 o tulo hangtud unom ka bulan nga pagkapriso o puwede duha.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph