SI Presidential Assistant for Eastern Mindanao Leo Tereso Magno nagtumong sa pagpalig-on sa disaster preparedness sa Davao Region aron malikayan ang mga kaswalti sa umaabot.
Sa pakigtagbo kang Office of Civil Defense 11 Regional Director Ednar Dayanghirang niadtong Enero 11, 2024 matod ni Sec. Magno nga kinahanglan nilang hingusgan ang disaster preparedness dili lang sa gobyerno kon dili sa pribadong sektor.
Siya niingon nga ang mga eskwelahan kinahanglan adunay daghang disaster resilience ug management trainings aron maandam ang mga estudyante sa bisan unsang mga panghitabo.
Matud pa ni Dayanghirang nga sa pagkakaron nakig-abot sila sa pipila ka mga eskwelahan alang sa schedule sa disaster trainings.
Gidala usab ni Magno ang kabalaka ni Munisipyo ni Caraga Mayor Ronnie Osnan, kansang lungsod grabeng naigo sa Bagyong Kabayan niadtong Disyembre.
Si Osnan nangayo og tabang ni Magno human ang pipila ka mga dapit sa Caraga lisod gihapon maabot tungod sa kadaot nga dala sa pagbaha ug pagdahili sa yuta.