Drayber nag-uli og dakong kantidad nga kuwarta gipasalamatan, gidayeg

Drayber nag-uli og dakong kantidad nga kuwarta gipasalamatan, gidayeg
TEU-Gensan

GIKALIPAY sa katawhan sa General Santos City ang pag-uli og dakong kantidad nga kuwarta sa usa ka traysikel drayber adlaw nga Dominggo, Disyembre 10, 2023.

Ang traysikel drayber mao si Rodel Andrade Jagus ug nagpuyo sa Accord Village, Barangay Calumpang, General Santos City.

Sumala kang Jagus nga namasahero siya sa siyudad diin iyang nasiplatan ang usa ka bag nga nahibilin sa lingkuranan sa likod nga bahin sa iyang traysikel.

Gi-abrihan sa drayber ang bag ug dako ang iyang kakurat gumikan dunay sulod kini nga dakong kantidad nga kuwarta ug mga personal nga kagamitan.

Wala magduha-duha si Jagus sa iyang desisyon nga itunol ngadto sa mga sakop sa Traffic Enforcement Unit (TEU-Gensan) ang bag.

Gikuha sab dayon sa tag-iya ang bag diin dako ang iyang pasalamat ug iyang gitunolan og pahalipay o ganti ang traysikel drayber.

Gidayeg sab si Jagus sa mga sakop sa TEU, lakip na si Gensan Mayor Lorelie Pacquiao sa kamatinud-anon sa drayber ug angayan lamang nga siya pasidunggan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph