Drayber nakatagpilaw; 6 patay

NAKATAGPILAW ang drayber sa kotse hinungdan nga nahulog ang kotse nga gimaneho sa pangpang alas 3:20 sa hapon, Huwebes, Agosto 29, 2024, sa Sarangani Province.

Sa maong insidente, unom ka kinabuhi ang nakalas nga mao sila Jay-ar Mandawan, 34-anyos (drayber); Quiroben Saraduma Luchavez, 39-anyos; Ernesto Mucia, 57-anyos (foreign national); Nian Luchavez, hamtong ang pangidaron; ug lain pang duha nga giingong mga bata nga wala pa mailhi sa pagsuwat ning balita.

Samtang naangol sab si Nora Albuena Pellejo, hamtong ang pangidaron ug ang usa ka tuig nga bata.

Gibutyag ni Malungon Deputy Chief of Police Acmad Diocolano, nga mga biktima gikan sa siyudad sa Heneral Santos ug pauli na unta sa Mati City.

Apan pag-abot nila sa likuon nga kalsada sa Purok Malakas, Barangay Nagpan, Malungon, Sarangani Province, diretso nga nahulog ang kotse sa 15 ka metros nga bung-aw.

Unom gilayon ang napatay sa mga sakay sa kotse nga nahug sa lawom nga pangpang samtang mga naangol daling gitabangan sa mga molupyo sa maong dapit ug gidala sa balay tambalanan.

Gikanayon sa usa sa mga naluwas nga kusog ang dagan sa kotse ug iya sab nga nakita nga daw nakatulog ang drayber. (EEF)