Drug den sa Matanao nahap-an; 7 sikop

Drug den sa Matanao nahap-an; 7 sikop
Hulagway gikan sa PDEA-Davao

PITO ka mga indibiduwal ang nadakpan sa Philippine Drug Enforcement Agency (PDEA) Davao del Sur sa gi-ronda nga gituohang drug den alas 10:35 sa gabii, Enero 19, 2024 sa Purok 5, Barangay Cabligan sa Matanao, Davao del Sur.

Sa report sa PDEA-Davao gitarget sa ronda ang subject person nga usa ka alyas Bugoy, 46-anyos nga maoy giilang drug den maintainer.

Atol sa ronda, naaktuhan sab ang unom ka mga indibiduwal nga parokyano sa target nga si alyas Bugoy.

Nakuha sa ilang posisyon ang gituohang shabu nga dunay street value nga P14,000.

Gawas niini, nakuha sab ang laing walo pa ka pakite sa gituohang shabu nga motimbang og 15 gramos nga dunay street value nga P102,000 ug mga nagkadaiyang drug paraphernalia ug ang buy-bust marked money.

Nasayran nga bunga kini sa pagpaningkamot sa katawhan sa komunidad sa ilang pagpakabana.

Gikiha na ang mga nahisgutan sa kasong paglapas sa Republic Act 9165 kun Comprehensive Dangerous Drugs Act of 2002.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph