Drug den sa Panabo pusgay

Drug den sa Panabo pusgay
Hulagway gikan sa PDEA-Davao

UPAT ang mga nasikop sa pagkapuhag sa drug den alas 3:25 sa kaadlawon, Enero 12, 2024 sa Purok Kasoy, Niceville Subdivision, Barangay Cagangohan, Panobo City, Davao del Norte.

Sa taho sa Philippine Drug Enforcement Agency (PDEA) Davao, ang ilang target usa ka George, 29-anyos, chief mechanic, kinsa malampusong nadakpan uban sa tulo niini ka mga parokyano.

Nakuha sa ilang posisyon ang gituohang shabu nga nagkantidad og P95,200 nga motimbang og katorse (14) gramos ug ang mga assorted drug paraphernalia.

Sumala sa PDEA-Davao, bunga kini sa pakabana sa katawhan diin ilang giawhag ang mga residente nga motaho sa pasalig nga itago ang ilang identity.

Kasong pagsupak sa Republic Act 9165 kun Comprehensive Dangerous Drugs Act of 2002 ang atubangong kaso sa mga dinakpan sa korte.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph