COTABATO CITY -- Rido ang gilantaw nga hinungdan sa panag-engkuwentro sa duha ka grupo sa Moro Islamic Liberation Front (MILF) alas 7:45 sa buntag, Lunes, Disyembre 25, 2023, sa probinsiya sa Cotabato.
Sumala kang Maguindanao del Sur Police Provincial Director Colonel Ruel Sermese nga nagka-engkuwentro ang grupo nila Kumander Hamza Sangki Kindo sa 118th Base Command ug Kumander Kadafy Bundula nga 105th Base Commander sa Barangay Kapinpilan, Ampatuan, Maguindanao del Sur.
Sa maong panag-engkuwentro tulo ka mga sakop sa MILF ang napatay. Samtang mga sibilyan sab daling nakahikling aron nga di maipit sa binakbakay nga milungtad og hangtund 11sa buntag.
Nahunong lamang ang engkuwentro sa dihang nahiabot ang lider sa MILF, pulis, militar ug mga local leaders.
Gawas sa tulo nga patay, pito sab ang naangol nga gipangdala ngadto sa Maguindanao Provincial Hospital.
Ang duha ka pundok giingong dunay dumot sa matag pamilya tungod sa yuta nga ilang giugmad.
Giplastar na sa MILF, mga awtoridad ug lokal nga opisyal ang malinawon nga negosasyon sa magkaaway nga grupo.