Gahi'g mga ulo nga molupyo pugson sa pagbakwit panahon sa kalamidad

Gahi'g mga ulo nga molupyo pugson sa pagbakwit panahon sa kalamidad
CIO-Davao

NIBAHAD ang pangulo sa Davao City Disaster Risk Reduction and Management Office (CDRRMO) nga ilang ipatuman ang "pre-emptive and forced evacuation ordinance" batok sa mga molupyo nga giingong mobalibad sa pagsunod sa mga mando nga mobiya sa ilang mga balay alang sa mas luwas nga lugar.

“Napirmahan nato, approve nato sa City Council,” butyag ni Retired Police Col. Alfredo Baloran, pangulo sa Davao City DRRMO.

Gisulti ni Baloran nga iya nang gimandoan ang mga responders niadtong Enero 18 nga ipatuman ang ordinansa kay dunay mga taho sa mga gahi og ulo nga mga molupyo nga di motuman sa mando nga mobakwit.

“Actually kagabiii (Enero 18), instruction sa police akong giingnan mga police ug responders if naay mga gahi dinha, kanang mag magahi kaayo ako ingnan na ang police na ipakuha sa ilaha (Gabii niadtong Enero 18),” pagtataw ni Baloran.

Ang City Ordinance 0246-23 series of 2023, gipangamahan ni City Councilor Luna Maria Dominique Acosta niadtong 2022, giaprobahan sa ikatulo ug katapusang pagbasa niadtong Hulyo 2023. Gipirmahan aron nga mahimong balaod ni Mayor Sebastian Z. Duterte niadtong Agosto 29. 2023 ug niepekto niadtong Oktubre 5, 2023.

Nag-imposar ang ordinansa og multa nga P1,000 alang sa unang kalapasan; P3,000 alang sa ikaduha; ug P5,000 alang sa ikatulo nga kalapasan alang niadtong mga molupyo nga mobalibad nga mobakwit ug ang kalapasan sa maong ordinansa gikonsidera nga usa ka kriminal nga makita sa ilang mga clearances. Philippine Information Agency (PIA-Davao)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph