GENERAL SANTOS CITY - Tibway ang kinabuhi sa usa ka lalaki nga nalumos sa dagat ala 1:30 sa hapon, Dominggo, Enero 7, 2024 ning siyudad.
Giila ang biktima nga si Romy Sebio, 44-anyos, minyo ug nagpuyo sa Purok P-13 Barangay Dadiangas North, Lungsod sa Heneral Santos.
Sa taho gikan sa kuwerpo sa kapulisan nga naligo ang biktima sa dagat sa Tinago, Barangay Dadiangas South sa dakbayan.
Wala dayon maalinggatan sa pamilya ang biktima nga miabot na sa lawom nga bahin sa dagat.
Pipila ka gutlo ang milabay nasiplatan sa mga nangaligo nga naglutaw na si Sebio nga gihapak sa balod paingon sa daplin.
Gisapupo dayon kini sa iyang pamilya ug gidala sa balay tambalanan apan gideklara sa mga doktor nga dead on arrival.
Gikanayon sa mga kauban sa biktima nga naka-inom suma pa kini nga naligo sa dagat.
Walay nakita nga foul play ang kapulisan sa ilang imbestigasyon sa kamatayon sa biktima.