Kampeyon kontra sa druga

Kampeyon kontra sa druga
Hulagway kuha ni Rojean Grace Patumbon

GIDEKLARA ang Barangay Balengaeng, Davao City nga kampeyon sa Barangay Bida Kontra Ilegal na Droga 2023.

Gisulti ni Daniel M. Orong Sr., barangay captain sa Balengaeng, ngadto sa paghinabi sa mga tigbalita, Lunes sa buntag, Enero 15, 2024, sa City Hall Drive nga ang ilang barangay naglusad og drug tests sa ilang mga nanurender nga drugista matag tulo ka bulan.

“Dili man gyud ko makaingon nga 100 percent wala na gyud pero at least mga 90 percent nga na kontrol namo pinaagi sa amoang pag-giya ug pagtabang sa ilaha,” pulong pa niya.

Dugang ni Orong nga isip kapitan sa barangay, iyang gidasig ang matag usa nga hatagan og importansiya ang "drug reformees" ug tungod kay ang iyang mga barangay kagawad nagasuporta sa ilang paningkamot, nagplano sila nga isustiner ang titulo sa mosunod pang mga katuigan

Si Melchor Quitain, vice mayor sa Davao City, sa iyang pagpamulong, nagkanayon nga tumong kini sa gobyerno nga wagtangon ang druga sa komunidad.

Dugang pa niya nga ang gobyerno makugihon nga panalipdan kining mga programaha, polisiya, ug mga estrahiya aron nga makontrol ang ilegal nga kalihukan.

Human sa Barangay Balengaeng mao ang Barangay Sirib, Barangay Biao Joaquin, Barangay 14-B, Barangay 28-B, Barangay Catigan, Barangay Malabog, Barangay Talomo River, Barangay 10-A, Barangay 18-B, Barangay Inayangan, Barangay Langub, Barangay 11-B, ug Barangay 36-B.

Kini na ang ikaduhang higayon nga ang City Social Welfare and Development Office nidumala niining matanga sa kompetisyon uban ang Barangay Sirib isip mananaug nila alang sa 2023. (Rojean Grace Patumbon)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph