Kanhi rebelde nga anaa sa kustodiya sa mga sundalo; gisilbiha’g warrant

Kanhi rebelde nga anaa sa kustodiya sa mga sundalo; gisilbiha’g warrant
Hulagway gikan sa DDNPPO.

DAVAO DEL NORTE — Malampusong nasilbi ang warrant of arrest batok sa kanhi rebelde nga anaa sa kustodiya sa mga kasundalohan didto sa Purok 4, Brgy. Sto. Niño, Talaingod alas 12:30 sa udto, Disyembre 9, 2023.

Ang suspek giila nga mao si alyas Jonathan, 40-anyos, minyo, kanhi sakop sa CTG, SRSGD Feddler, SRC 2, SNMRC ug molupyo sa Sitio Central Baugan, Brgy. Palma Gil, Talaingod.

Subay sa report, gisilbi ang warrant of arrest batok sa suspek pinaagi sa kapaulisan sa Talaingod Municipal Police Station uban sa lain pang yunit  atol sa gilusad nga manhunt Charlie operation sa maong dapit.

Matud pa nga ang warrant giisyo ni Hon. Susana T. Baua, Presiding Judge sa RTC Branch 2, 11th Judicial  Region, Tagum City, Davao del Norte nanukad sa kasong murder nga dunay criminal case number 21602, nakapetsa Hunyo 22, 2016.

Way girekomendang piyansa ang korte sa maong kaso sa suspek nga anaa karon sa kustodiya sa 56th Infantry Battalion, Philippine Army alang sa tukmang disposasyon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph