Kano naaresto sulod sa hotel; 3 ka menor de edad naluwas

Kano naaresto sulod sa hotel; 3 ka menor de edad naluwas
Hulagway gikan sa National Bureau of Investigation

NAGKATAG ang condom sud sa kuwarto sa usa ka hotel sa Davao City ug naay tulo ka menor de edad nga babaye ang naluwas, samtang usa ka American national nasikop.

Kini ang misugat sa mga operatiba sa National Bureau of Investigation - Southern Mindanao Regional Office (NBI-Semro) atol sa ilang gikasa nga raid ala 1:20 sa hapon, niadtong Huwebes, Hunyo 27, 2024.

Mismong si NBI-Davao Regional Director Atty. Arcelito Albao ang mipasabot sa American National kinsa maoy ilang target sa ronda sa mga angay himuon ug sa katungod niini.

Gilayong giposasan ang langyaw nga nagpangedaron og 30-anyos, kinsa mikooperar sab sa mga personahe sa NBI-Davao.

Una niini, miabot ang impormasyon ngadto sa NBI-Davao nga dunay mga nagasulod nga menor de edad nga mga babaye sa lawak nga giabangan sa langyaw, hinungdan nga mihimo'g surveillance ang NBI.

Human nga nasuta nga dunay ilegal nga ginahimo sa sulod sa kuwarto, gilayon kining gisulod sa NBI, ug nakita ang daghang mga nagkatag nga condom.

Na-rescue ang tulo ka mga menor de edad nga nagpangedaron og 17-anyos nga pulos nagpuyo sa Davao de Oro.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph