Karambola kilid sa outpost sa pulis

Karambola kilid sa outpost sa pulis
Hulagway screenshot sa video nga na-post sa Facebook

KILID mismo sa sub-station sa San Pedro Police Station nga anaa nahimutang sa Metro Circle Barangay 2-A, Bankerohan, Davao City nagkarambola ang mga lalaki nga giingong lango sa ilimnong makahubog.

Una niini nag-trending sa social media ang karambola nga kilid mismo sa sub-station sa pulis niadtong Huwebes sa hapon, Hunyo 20, 2024.

Ang naka-trending ug gikuninitan sa mga netizens human nga wala dayon naulang sa mga pulis ang maong karambola, apan makita sa video nga dunay police auxiliary.

Ang tubag sa Davao City Police Office (DCPO) spokesperson Police Capt. Hazel Tuazon nga wala kuno’y pulis ang maong outpost niadtong orasa sanglit naa tanan gibutang sa mobile apan naay police auxiliary.

“Wala nay police sa outpost naa na sa mobile tanan, naay auxiliary gibutang mao tong nakita sa video nga naay auxiliary, pagka taud-taud naabot na ang mobile patrol,” ingon ni Tuazon kinsa dugang nagpasabot nga naulang ra sab dayon sa mga pulis.

Sa blotter nga gipagula sa DCPO, giindorso ang tulo ka mga lalaki diin ang duha maoy gitabangan og kulata sa mga naa sa gawas.

Ang duha pulos magsuon nga una nang nag-inom, kinsa nakalalis nila ang ilang inahan, apan usa ka lalaki ang giingong gisamokan sa ilang lalis maong misinggit kini kung “kinsa ang isog diha, gawas atong tabangan”.

Paggawas sa duha ka magsugod, gitabangan kini’g kulata sa mga kalalakin-an nga naa sa gawas sa tindahan sa mga nahisgutan, apan sa video makita nga gipang-ulang sab sila sa ubang mga lalaki nga gituohang mga laborer ug mangaritunay sa Metro Circle.

Hinuon, ang maong kaso giindorso na sa Barangay 2-A aron sila mahusay. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph