Kaso sa dengue sa Gensan nitaas pa

Kaso sa dengue sa Gensan nitaas pa
Hulagway gikan sa Epidemiology Surveillance Unit-General Santos City Health Office

GENERAL SANTOS CITY -- Misaka pa ang ihap sa mga nagkasakit og dengue sa dakbayan ning bulan sa Enero 2024.

Kini ang gikompirma nga datus gikan sa Epidemiology Surveillance Unit-General Santos City Health Office.

Mga nag-unang barangay nga dunay mga kaso sa dengue sa dakbayan mao ang mga mosunod: Barangay Lagao nga dunay 23; Barangay Calumpang, 11; Barangay San Isidro, 9; Barangay Labangal, 9; Barangay Fatima, 8; Barangay Bula, 8; Barangay Apopong, 7; Barangay San Jose, 5; Barangay Mabuhay, 5; ug City Heights, 5.

Moabot na sa 121 ka kaso sa dengue fever apan wala'y natala nga dengue-related death gikan sa Enero 1, 2024 hangtud sa 14 sa samang bulan. Ang ihap ning tuiga naa sa 66 percent nga mas taas itandi sa samang panahon sa miaging tuig.

Sa kinatibuk-ang natala nga mga kaso, 93 percent o 77 percent ang naospital.

Ang barangay nga adunay pinakadaghang kaso sa dengue fever mao ang Barangay Lagao.

Ang edad sa mga nagka-dengue fever gikan sa 0.25 hangtud 84-anyos ug ang kasagaran nga edad 9-anyos. Kadaghanan sa mga gitaho nga nagkasakit niini mga babaye (53 percent).

Padayon ang pag-awhag sa mga hingtungdang ahensiya sa gobyerno nga kanunay nga batasanon ang paghimo sa 5S batok sa dengue aron malikayan kini ug komplikasyon nga dala ning maong sakit. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph