Katawhan gipaamping tungod init

Katawhan gipaamping tungod init
Hulagway gikan sa BFP-Gensan

NAGPASIDAAN ang lokal nga panggamhanan sa dakbayan sa General Santos ug Bureau of Fire and Protection (BFP)-Gensan nga mag-amping ang katawhan tungod sa kainit sa panahon nga posibleng moresulta sa dakong sunog.

Kahinumdoman nga naugdaw ang kasagbutan sa nidilaab nga kalayo alas 2:00 sa hapon, Dominggo, Enero 14, 2024, sa siyudad.

Sa taho gikan sa (BFP-Gensan) nga nakadawat sila og taho sa natigayong grassfire sa Purok Paglangan, Barangay Apopong.

Abtik nga nagresponde ang kabomberohan ug ilang naabtan ang dakong kalayo nga misunog sa kasagbutan sa Purok Paglangan.

Gipasiritan dayon og tubig sa BFP ang dakong grassfire samtang nadanyos na ang abandonado nga gambalay.

Gibati sab og kahadlok ang mga molupyo duol sa nasunogan sa posibleng pagtabok sa kalayo sa ilang mga balay.

Kahinumdoman sab nga niadtong miaging adlaw dunay natigayon nga sunog sa dakbayan. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph