GENERAL SANTOS CITY - Nag-viral karon sa social media ang usa ka lalaki nga nakuhaan og video samtang nag-jakol atubangan sa tulo ka mga babaye, Disyembre 11, 2023 Lunes didto sa Quezon Avenue, Balagtas Street, Brgy. Dadiangas North.
Sa video nga na-post sa Bombo Radyo Gensan, makita ang usa ka lalaki nga nag-jakol, kilid sa punoan sa kahoy.
Sa report nasayran nga dili mahulagway ang kakulba nga gibati sa tulo ka mga babaye nga estudyante dihang miatubang kanila ng usa ka lalaki nga nag-jakol sa kinatawo.
Nasayran nga naghulat ang mga estudyante sa ilang gipaluto nga burger dihang adunay miabot nga usa ka lalaki sa ilang atubangan nga sakay sa motorsiklo.
Dugang pa nga gilayong mikuot sa bag ang lalaki ug pagkataud-taud, gipaubos dayon niini ang short pants ug nag-jakol samtang nagtan-aw sa tulo ka mga babaye.
Sa video, pa-simple lang kini nga gatago sa punoan, inig dunay muagi paspas niining itago ang kinatawo. Milabay ang pipila ka gutlo wala nay gaagi nga tawo, iya na gayod nga ginaog ang shorts ug gipadayon ang pag-masturbate hangtud matud pa nga kini nagawasan suma sa report sa Bombo Radyo Gensan.
Ang gihimo sa maong lalaki, ang na-video-han sa mga biktima dayon gi-reklamo sa buhatan sa Traffic Enforcement Unit Gensan.
Nihatag usab og assistance ang nahisgutang buhatan ug gipa-blotter sa Police Station 1 ang nahitabo. (Uban sa taho sa Bombo Radyo Gensan)