MIHALAD og pag-ampo, dungan sa pagdagkot ang kabanay, higala sa mga pasaherong namatay sa ngilngig nga aksidente sa Barangay Luhong, Antipas, North Cotabato.
Una nang gipaabot ni Antipas Mayor Cris Cadungon ang iyang pahasubo ug simpatiya sa pamilya.
Mibaha ang mga luha ug milanog ang pagdanguyngoy gikan sa kabanay sa mga biktima nga wa magdahum sa kalit nga kamatayon sa ilang minahal sa kinabuhi.
Ang aksidente mikalas sa 17 ka kinabubi ug upat ang samdan.
Ang trak nga midaro sa pasaheroang van nawad-an og brake, diin sa kakusog sa impak nalabay ang van ug misilaob maong nangasunog ang sakay niini.
Ang LGU-Antipas, DSWD-Soccsksargen ug Cotabato Governor Emmylou "Lala" Taliño-Mendoza mipaabot og tabang ug pahasubo sa nabiling kabanay.
Sa pikas bahin ang drayber sa trak nga si Edwin Dumapias Nasiad anaa karon sa prisuhan samatang naghuwat sa sunod nga kasikas sa kasong atubangon.