Liboan ka pamilya nibakwit sa giyera sa 2 grupo sa MILF

Liboan ka pamilya nibakwit sa giyera sa 2 grupo sa MILF
PSRO-Barmm

LIBOAN ka pamilya ang namakwit sa dihang nag-engkuwentro ang duha ka grupo sa magkaaway nga grupo sa Moro Islamic Liberation Front (MILF) alas 6:15 sa gabii, Miyerkules, Hunyo 19, 2024, sa probinsiya sa Maguindanao del Sur.

Mga napatay ug naangol giingong mga sakop sa MILF ug nagpuyo sa Barangay Meta, Datu Unsay, Maguindanao del Sur.

Gibutyag ni Maguindanao del Sur Police Provincial Office Director Colonel Roel Sermese nga nagkaengkuwentro ang grupo nila Kumander Tanto ug Kumander Akmad sa nahisgutang barangay.

Daghang mga sibilyan ang nanghikling paingon sa mga luwas nga dapit sa kahadlok nga maipit sa kagubot.

Daghan sab nga kabalayan ang naugdaw human niulbo ang kalayo sa dihang naigo sa mortar ug M79 grenade launchers.

Nahunong lang ang pinusilay sa dihang nagpatunga ang grupo sa Peace, Security and Reconciliation Office (PSRO) sa Bangsamoro Autonmous Region in Muslim Mindanao (Barmm), MILF Ceasefire Mechanism ug uban pa.

Ang kagubot giingong tungod sa personal nga dumot sa maong grupo.

Giplastar na sa liderato sa MILF, Philippine National Police,a Armed Forces of the Philippines ug local government unit ang pagresolba sa ugat sa kagubot. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph