Lolo nanghasi, giaresto

Lolo nanghasi, giaresto

DAVAO DEL NORTE -- NADAKPAN ang 63-anyos nga lalaki nga gireklamong nanghasi sa Barangay New Camiling, Carmen alas 4:10 sa hapon niadtong milabay’ng adlaw.

Ang suspek giila nga mao si Renato Quinones, ulitawo, laborer ug molupyo sa Purok 1, Barangay New Camiling, Carmen.

Subay sa report nasayran nga ang suspek giindorso sa Carmen Municipal Police Station pinaagi sa mga barangay tanod nga sila Rolly Gregorio ug Gilbert Abalos human gireklamo sa biktima nga si Jenny Cebros, 37, molupyo sa Purok 1, Barangay New Camiling, Carmen nga sumala pa nanghasi kaniya sa maong dapit.

Base sa inisyal nga imbestigasyon, ang biktima anaa sa sulod sa iyang balay dihang iyang nakit-an ang suspek nga hubog nga naggunit og bato samtang nagsinggit-singgit padung kaniya.

Matud pa nga ang biktima daling nanawag og tabang hinungdan nga naaresto ang suspek.

Anaa karon sa kustodiya sa Carmen MPS ang suspek.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph