BLANGKO pa ang mga awtoridad sa motibo sa pagpamusil-patay sa magpuyo alas 2:15 sa kaadlawon, Martes, Oktubre 15, 2024, sa General Santos City.
Giila ang mga biktima nga sila Larry Rayco, 36-anyos nga taga Purok 13, Barangay Lagao, General Santos City ug si April Sta. Ana, 35-anyos, molupyo sa Kidapawan City.
Matud ni Clara Layco, 75-anyos, nga inahan ni Larry nga nakadungog siya og buto-buto sa armas sulod sa kuwarto nga gipuy-an sa mga biktima.
Nadunggan sab niya nga dunay nagkanaas nga nikaratil og dagan ug misakay og motorsiklo ug nipaturatoy og padagan.
Sa dihang gisusi Clara ang kuwarto sa mga biktima, iyang nakita nga naligo na sila sa ilang kaugalingong dugo.
Sa wala pa matud pa nahitabo ang insidente, dunay mga post sa Facebook si April nga nag-ingon nga gumikan ninyo gi-ing-ani ko.
Gisubay pa sa kapulisan sa General Santos Police Office ang hitabo aron nga ma-establisar ang tinuod nga hinungdan sa pagpatay sa magpuyo. (Edgar E. Fuerzas)