Main office sa Kapa gibiyaan na

Main office sa Kapa gibiyaan na
(Hulagway gikan sa Bombo Radyo)

GENERAL SANTOS CITY -- Abandonado na ang pipila ka bahin sa balay nga gipanag-iyahan sa Kabus Padatoon-Community Ministry International ni Joel Apolinario nga nahimutang sa Barangay Bagacay, Alabel, Sarangani Province.

Nagsilbi kini nga main office sa Kapa diin gihimo dinhi ang pay-in ug pay-out sa mga miyembro/investor niini kaniadto.

Sa kanhi operasyon sa Kapa, matag adlaw sumala pa magpiyesta sa nahisgutang dapit tungod sa kadaghan sa mga tawo.

Apan kalit lang nausab ang tanan dihang gipahunong ni kanhi Presidente Rodrigo R. Duterte ang ilegal nga operasyon sa maong grupo.

Sa pikas bahin, usa sa mga biktima sa Kapa giingong nasuko gihapon pag-ayo human wala mauli ang iyang P200,000 nga puhunan ug niingon nga wala gani siya makatilaw sa ginansiya sa iyang gipuhunan nga kuwarta.

Si alyas Bebang niingon nga tungod sa desisyon sa Regional Trial Court sa Butuan City nga 8 counts sa life imprisonment, nawad-an na siya og paglaum nga mabawi ang iyang kuwarta.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph