Mananagat taga Gensan sikop sa Davao

Mananagat taga Gensan sikop sa Davao
Hulagway gikan sa Davao City Police Office

GIDAKOP sa mga sakop sa Toril Police Station ug Task Force Davao ang usa ka mangingisda human nga nakuhaan og pusil sa checkpoint sa Barangay Sirawan, Toril District, Davao City alas 3 sa kaadlawon, Lunes, Enero 23, 2024.

Giila ni Police Captain Marlon Donquilab, officer-in-charge sa Toril Police Station, ang dinakpan nga si Adrian Tabi, 34-anyos, taga Barangay Labangal, General Santos City.

Nasayran nga pasulod na unta sa Davao City si Tabi sakay sa usa ka KIA, apan sa hugot nga inspeksiyon sa mga personahe sa TF-Davao nakita ang pusil nga migimaw sa gisudlan niining sling bag.

Sa pagsubay sa kapulisan, usa ka Llava Caliber 380 automatic ang pusil nga dunay magazine nga undan og tulo ka mga buhing bala.

Walay napakita nga legal nga mga dokumento ang suspek ngadto sa awtoridad hinungdan nga giaresto kini.

Kasong paglapas sa Republic Act 10591 kun Illegal Possession of Firearms ang atubangon sa suspek sa korte.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph