Masara landslide wala na’y nabilin nga buhi?

Pebrero 12, nisaka na ngadto sa 55 ang namatay, 32 ang naangol sa maong hitabo.
PATAY kining gidayungan sa mga rescuers gikan sa ground-zero sa landslide sa Masara sa Maco, Davao de Oro Huwebes Pebrero 8, 2024 atol sa wala pa gihunong nga retrieval operation, diin nisaka na ngadto sa 37 ang namatay, 63 ang missing ug 32 ang naangol sa maong hitabo, Pebrero 11. Samtang makita sa likod nga bahin ang bus nga mao unta’y mosundo sa mga minero nga naghulat sa usa ka waiting shed sa dapit.
PATAY kining gidayungan sa mga rescuers gikan sa ground-zero sa landslide sa Masara sa Maco, Davao de Oro Huwebes Pebrero 8, 2024 atol sa wala pa gihunong nga retrieval operation, diin nisaka na ngadto sa 37 ang namatay, 63 ang missing ug 32 ang naangol sa maong hitabo, Pebrero 11. Samtang makita sa likod nga bahin ang bus nga mao unta’y mosundo sa mga minero nga naghulat sa usa ka waiting shed sa dapit. AP Photo

ANG posibilidad o tsansa nga mabuhi sa pagdahili sa yuta sa Masara wala pa matino base sa mga nakit-an ug on-the-ground nga imbestigasyon sa mga personahe sa emerhensya didto sa ground-zero.

Kini bisan pa sa pagkamalaumon sa search and rescue teams nga makabawi pa og daghang buhi nga mga indibidwal nunot sa milagrosong pagluwas nga 3-anyos nga nadiskubrehan sa coast guard K-9 ug humanitarian working dog nga gihinganlan og Appa niadtong Huwebes, Pebrero 8, suma sa Provincial Disaster Risk Reduction Management Office (PDRRMO) Davao de Oro officer Joseph Randy Loy, Pebrero 10.

Bisan pa, gipasalig sa opisyal nga ang Incident Command Post (ICP) kauban ang tanan nga mga rescuer nga naa sa frontline sa search and rescue operation padayon nga nagtrabaho sa pagpangita sa tanan nga nawala nga mga indibidwal nga adunay paglaum nga makit-an.

Sa report sa Philippine Information Agency (PIA) Davao de Oro ug sa Municipal Disaster Risk Reduction Management Office (MDRRMO) sa Maco pinaagi sa ilang situation report nakatala og 37 ang namatay, 63 ang missing ug 32 ang naangol.

Ang Masara landslide nahitabo niadtong Martes sa gabii, Pebrero 6 sa Zone 1, Barangay Masara, Maco, Davao de Oro.

Ubay-ubay nga giila nga mga biktima ang mga empleyado/miner sa Apex Mining Co., Inc nga nagpaabot og mga bus sa usa ka bus terminal station duol sa mining company. 

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph