Masuso gibiyaan; nakit-ang buhi

Hulagway gikan sa Davao City Police Office
Hulagway gikan sa Davao City Police Office

HIMSOG ug bag-ong himugso pa nga batang lalaki ang nakit-an alas 7:30 sa buntag, Lunes, Enero 22, 2024, sa Apigo Farm sa Purok 7, Barangay Lacson, Calinan District, Davao City.

Sa report sa Davao City Police Office (DCPO), usa ka Elmer Cawayan, 61 anyos, mag-uuma ug caretaker sa Apigo Farm, ang nakakita sa bata nga gibalot sa kolor itom nga pranela.

Gilayon siyang nanawag og taga barangay ug gipahibalo sa kapulisan ang hitabo.

Miabot dayon ang mga social worker sa City Social Welfare and Development Office ug taga Barangay Disaster Risk Reduction ang Management Council sa Calinan Poblacion aron ma-rescue ang masuso.

Ang masuso gidala dayon ngadto sa Dr. Lorenzo Principe Clinic sa Ramon Magsaysay Street, Barangay Calinan, Davao City alang sa medical treatment.

Ang investigator nga si Police Corporal Jenniza Japinan padayon pa nga naghimo og imbestigasyon sa hitabo aron maila ang inahan sa masuso. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph