Mga mananagat sa Mati nakadawat og P8 milyones nga 'lantangan'

Si Mati City Mayor Michelle Nakpil Rabat uban sa BFAR 11 sa pagdunol sa donasyon sa mga mangingisda sa Barangay DEL.
Si Mati City Mayor Michelle Nakpil Rabat uban sa BFAR 11 sa pagdunol sa donasyon sa mga mangingisda sa Barangay DEL.CIO MATI

MATI CITY, Davao Oriental — Balor P8 milyones nga commercial fishing vessel kon lantangan ang gitunol sa Bureau of Fisheries and Aquatic Resources (BFAR) ngadto sa Don Enrique Lopez Fisherfolk Association (DELSFA). 

Sa gipahigayong blessing ceremony Enero 17, 2024 didto sa Mati City Fishport Complex, nagpasalamat si City of Mati Mayor Michelle Nakpil Rabat sa BFAR 11 sa ilang donasyon sa mga mangingisda sa Barangay DEL. 

Gawas sa lantangan aduna usab gihatag ang BFAR ingon man ang City of Mati LGU nga dugang unom (6) ka pakura kon gagmay nga baroto ug uban pang gamit pandagat. 

Giawhag ni Mayor Rabat ang mga benepisyaryo nga ampingan ang donasyon nga gihatag kanila sa gobyerno aron mas molungtad kini ug mas mapahimuslan sa mga mangingisda ug ingon man sa tibuok katawhan sa Mati. 

Nanghinaot ang lokal nga panggamhanan alang sa maabundang pangisda sa managlahing fisherfolk cooperatives nga dakong tabang sa pagpalambo sa ekonomiya sa dakbayan sa Mati.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph