Mga tinun-an nanguli gikan Marawi City

NAKAULI NA. Dise sais ka mga tinun-an sa Mindanao State University-Marawi (MSU-Marawi) gikan sa managlahing lugar dinhi sa Davao Region nga gihatagan og libreng sakay pabalik sa Davao City ang luwas nga nakaabot sa City Hall Grounds, Martes sa buntag, Disyembre 5, 2023.
NAKAULI NA. Dise sais ka mga tinun-an sa Mindanao State University-Marawi (MSU-Marawi) gikan sa managlahing lugar dinhi sa Davao Region nga gihatagan og libreng sakay pabalik sa Davao City ang luwas nga nakaabot sa City Hall Grounds, Martes sa buntag, Disyembre 5, 2023. (RAMCEZ VILLEGAS)

DISE sais ka mga tinun-an sa Mindanao State University-Marawi (MSU-Marawi) gikan sa managlahing lugar dinhi sa Davao Region nga gihatagan og libreng sakay pabalik sa Davao City ang luwas nga nakaabot sa City Hall Grounds, Martes sa buntag, Disyembre 5, 2023.

Kini human sa pagpamomba atol sa Santos nga Misa sulod sa MSU-Marawi Dimaporo gymnasium niadtong Dominggo sa buntag, Disyembre 3, 2023, nga nikalas og upat ka mga tawo samtang niangol og daghan pa base sa datus gikan sa Police Provincial Office-Lanao del Sur (PPO-Lanao del Sur).

Apan sa Facebook post ni Jahara Calvara, usa ka Tagumeño nga tinun-an nga nag-eskuwela sa maong tulunghaan, nagkanayon nga bisan sa master list ug group chats nga gimugna alang sa information dissemination, duna pa'y mga tinun-an kinsa wala maakomodar ug kasamtangan nga nabilin sa ilang tagsa-tagsa ka mga domitoryo.

“Shoutout dira sa LGU Davao namo na sundo ganina pa mi naghulat, gitagaan mi ninyo'g assurance tapos dili mi ninyo hapiton diri? Maypag mag-commute na lang mi," padayag niya.

Nagmugna na karon ang PPO-Lanao del Sur og Special Investigation Task Force - MSU Dimaporo Gymnasium Explosion (SITG) ubos sa kamandoan ni Police Colonel Robert Daculan alang sa paspas ug lawom nga imbestigasyon.

Base sa ilang inisyal nga imbestigasyon, ang maong pagpamomba hinimoan sa duha ka indibiduwal kinsa kasamtangang gitumbok isip persons of interests (POl) ug nalamabigit sa Di-Maute group.

Ang motibo nga nagpaluyo sa insidente giingong tubag sa gihimong operasyon sa militar nga nagpakgang sa mga tag-as nga miyembro sa ilang organisasyon sa terorismo.

Nagtuo sab ang pulis nga ang pagpamomba gipasiugdahan sa pro-Islamic State militants, nga mao ang Dawlah Islamiyah-Philippines, ang grupo sa central ug south central Mindanao.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph