Mikuha’g clearance, gidakop

Mikuha’g clearance, gidakop
Hulagway kuha ni Dexter Visitacion.

DAVAO DEL NORTE — Gidakop ang usa ka lalaki nga mikuha’g police clearance didto sa Carmen Municipal Police Station, sa lungsod sa Carmen alas 2:45 sa hapon, Huwebes, Enero 4, 2024.

Ang suspek giila nga mao si Angelo Plaza, 25-anyos, ulitawo, laborer nga taga Purok 18, Brgy. Ising, Carmen.

Matud pa nga ang suspek miadto sa Carmen MPS aron sa pagkuha og police clearance apan, nasayran pinaagi sa e-Warrant  System nga aduna kini existing warrant of arrest hinungdan nga kini gidakop.

Ang maong akusado temporaryong gikustodiya sa Carmen MPS samtang gipaabot ang mga personahe sa Cotabato City Police Office nga maoy mosilbi sa warrant of arrest batok sa suspek.

Ang maong warrant giisyo ni Hon. Acting Presiding Judge  Kasan Abdulrakman sa 12th Judicial Region, Branch 14, Regional Trial Court, Cotabato City, nakapetsa Marso 15, 2022 ug naka-docket ilawom sa criminal case number  2017-9564 sa kasong paglapas sa R.A 7610.

Balor P80,000 ang girekomendang piyansa sa korte bugti sa temporaryong kagawasan sa suspek.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph